Nzoni kode ti gingo-nyama
Fango nzoni kode ti gingo-nyama
Limo so afa gingo-nyama na nzoni kode
Hunda : Limo so e baa afa nye ?
Kiringo-tene : Limo so afa gingo-nyama na gbanda.
Hunda :Na kodoro so ge e yeke gi nyama tongaso nga ?
Kiringo-tene :Hen, e yeke gi nyama tongaso nga. E yeke gi nga nyama na ngombe na kamba.
Hunda : Ala fa na mbi kode ti gingo-nyama na gbanda.
Kiringo-tene :Tongana e sa gbanda angoro ndo ni awe, e bi ambo si azingo anyama ni si atomba ala ti na ya ti gbanda ni.
Hunda :Ala baa ti ala tongana nye azo so agbi gbako si agi nyama ?
Kiringo-tene : So ayeke sioni kode mingi. Wa so agbi ngonda agbi akête molenge ti anyama, agbi nga ayaka ti azo.
Hunda : Mbi ye ti hinga wala aturugu ti batango-gbako amu na ala awango na ndo ti gingo-nyama ?
Kiringo-tene : Na kodoro ti e ge, aturugu ti batango-gbako amu na e awango mingi na lege ti gingo anyama.
Hunda :Na ya ti awango so ala mu na e, ambeni ndia ayeke nga daa ?
Kirringo-tene : Na ya ti awango so ala fa na e, andia ti gingo-nyama ayeke daa mingi.
Hunda : Tongaso alingbi e sara nye na andia so ala fa ?
Kiringo-tene : Alingbi e kpe andia ti gingo-nyama.